Արգիշտի Ղազարյանը նշանակվել է Վարչական դատարանի նախագահ

ՀՀ նախագահ Վահագն Խաչատուրյանը հրամանագիր է ստորագրել Արգիշտի Ղազարյանին Վարչական դատարանի նախագահ նշանակելու մասին: Այս մասին տեղեկանում ենք նախագահի հրամանագրեր բաժնից։

«Հիմք ընդունելով Սահմանադրության 139-րդ հոդվածի 1-ին եւ 166-րդ հոդվածի 7-րդ մասերը, ինչպես նաեւ Բարձրագույն դատական խորհրդի 2023 թվականի հունվարի 23-ի ԲԴԽ-8-Ո-27 որոշմամբ ներկայացված առաջարկությունը.

Վարչական դատարանի դատավոր Արգիշտի Ղազարյանին նշանակել վարչական դատարանի նախագահ՝ երեք տարի ժամկետով»,- ասված է նախագահի հրամանագրում: