Snapchat․ նոր գործիքներ ծնողների համար

Դեռահասների` սոցիալական ցանցերի օգտագործման շուրջ սահմանափակումների աճի ֆոնին Snapchat-ը ներկայացրել է Family Center գործիքի նոր թարմացումներ։ Նպատակը պարզ է՝ ծնողներին ավելի շատ պատկերացում տալ, թե ինչպես են իրենց երեխաները օգտագործում հավելվածը և ում հետ են շփվում։ Այսուհետ ծնողները կարող են տեսնել ոչ միայն, թե որքան ժամանակ է իրենց երեխան օրական անցկացնում Snapchat-ում, այլ նաև՝ ինչի վրա է այդ ժամանակը ծախսվում։

Թարմացված վահանակում երևում է՝

• հաղորդագրություններ

• տեսախցիկի օգտագործում

• քարտեզ

• տեսանյութեր

Սա ծնողներին օգնում է ավելի լավ հասկանալ երեխայի վարքագիծը հարթակում և անհրաժեշտության դեպքում առողջ սահմաններ դնել։

Սա թերևս ամենակարևոր թարմացումն է։ Երբ դեռահասը նոր ընկեր է ավելացնում, ծնողները կտեսնեն կոնտեքստային տեղեկատվություն այն մասին, թե ինչպես կարող է երեխան ճանաչել այդ անձին։ Այս ազդանշանները ներառում են.

• Can View Location – արդյոք երեխան կիսվում է իր գտնվելու վայրով տվյալ անձի հետ

• XX+ Mutual Friends – որքան ընդհանուր ընկերներ ունեն

• In Contact Book – արդյոք տվյալ անձը պահպանված է հեռախոսի կոնտակտներում

• Community Name – նույն դպրոցի կամ համալսարանի համայնքի անդամ լինելը

Այս տվյալները կօգնեն ծնողներին վստահ լինել, որ իրենց երեխաները չեն շփվում անծանոթների հետ, ովքեր կարող են վտանգ ներկայացնել։