Նոր թարմացումներ Instagram-ից

3 minutes ago
1 min read

Instagram-ը գործարկել է պրոֆիլի տեսքի անհատականացման հերթական փուլը. այժմ օգտատերերը կարող են խմբագրել հրապարակումների շապիկները (thumbnails) անմիջապես պրոֆիլի ցանցում (grid)՝ առանց բուն գրառումը փոխելու։

Այս թարմացումը թույլ է տալիս լիակատար վերահսկողություն ունենալ այն բանի վրա, թե ինչպես են լուսանկարներն ու Reels-ները երևում ձեր էջ մտնող այցելուին։ Օգտատերերը կարող են կառավարել պատկերի դիրքը և չափը շապիկի վրա՝ ապահովելով պրոֆիլի էսթետիկ միասնությունը։

Հիմնական նորամուծությունները՝

Շապիկների անհատականացում. կարող եք ընտրել և խմբագրել այն հատվածը, որը կերևա պրոֆիլի ցանցում։
Մեծացված շապիկներ. Instagram-ն անցում է կատարում ավելի մեծ thumbnail-ների, որոնք ավելի համահունչ են Reels-ների լիաէկրան ձևաչափին։
Grid-ի վերադասավորում (մշակման փուլում). հարթակը նաև աշխատում է հրապարակումների տեղերը փոխելու ֆունկցիայի վրա, ինչը վաղուց սպասված էր օգտատերերի կողմից։

Թեև սովորական օգտատիրոջ համար սա պարզապես դիզայներական թարմացում է, բրենդների և սոցցանցերի մասնագետների համար սա հզոր գործիք է։ Այն թույլ է տալիս պահպանել բրենդի ոճը, գրավել մարդկանց ուշադրությունը, խուսափել «կտրված» պատկերներից՝ հատկապես նրանց համար, ովքեր պրոֆիլում ստեղծում են մեծ պատկերներ՝ կազմված մի քանի փոքր քառակուսիներից (puzzle grid), այս գործիքը կօգնի ավելի ճշգրիտ համադրել դրանք։