Ֆուտբոլի Հայաստանի գավաթի խաղարկության հաղթողի կոչումը կվիճարկեն Երևանի «Արարատը» և «Ալաշկերտը»

Ֆուտբոլի Հայաստանի գավաթի խաղարկության հաղթողի կոչումը կվիճարկեն Երևանի «Արարատը» և «Ալաշկերտը»:

Երկրորդ կիսաեզրափակիչի պատասխան խաղում Հայաստանի չեմպիոն «Արարատ-Արմենիան» 2:1 հաշվով տնային հաղթանակ տարավ Երևանի «Արարատի» նկատմամբ, սակայն դա բավականաչափ չէր եզրափակիչ դուրս գալու համար: Առաջին խաղում «Արարատը» հաղթել էր 2:0 հաշվով։

Ավանի Ֆուտբոլի ակադեմիայում տեղի ունեցած պատասխան խաղում «Արարատ-Արմենիայից» աչքի ընկան ֆրանսիացի կիսապաշտպան Յոան Գուֆրանը և Դավիթ Տերտերյանը, իսկ հյուրերից՝ սերբ հարձակվող Ուրոշ Նենդովիչը:

Հիշեցնենք, որ մյուս կիսաեզրափակիչում «Ալաշկերտը» 2 խաղերի (1:1, 3:1) արդյունքում ուժեղ էր գտնվել Հայաստանի գործող գավաթակիր Երևանի «Նոայից»:

Հայաստանի գավաթ, կիսաեզրափակիչ, պատասխան հանդիպում

«Արարատ-Արմենիա» - «Արարատ»՝ 2:1 (առաջին հանդիպում՝ 0։2)

Յոան Գուֆրան, 23, Դավիթ Տերտերյան, 78 - Ուրոշ Նենդովիչ, 71