Տոկիո-2020. Կարեն Խաչանովը դուրս եկավ թենիսի մրցաշարի կիսաեզրափակիչ
Հայկական արմատներով ռուսաստանցի թենիսիստ Կարեն Խաչանովը դուրս եկավ Տոկիոյի 32-րդ ամառային Օլիմպիական խաղերի կիսաեզրափակիչ:
«Արմենպրես»-ի հաղորդմամբ` Օլիմպիական խաղերի թենիսի մրցաշարի տղամարդկանց մենախաղի քառորդ եզրափակիչում Խաչանովը մրցեց Ուգո Ումբերի (Ֆրանսիա) հետ: 2 ժամ 32 րոպե ձգված մրցախաղում Խաչանովը հաղթեց երեք սեթերից հետո` 7:6, 4:6, 6:4 հաշվով: Նա դուրս եկավ կիսաեզրափակիչ:
