Հայտարարվել է ԵԽ երիտասարդական քաղաքականության ծրագրերին միանալու մրցույթ
Եվրոպայի խորհրդի երիտասարդության հարցերով վարչությունը հայտարարում է Երիտասարդական քաղաքականության ծրագրերի բաժնին միանալու գործուղվող աշխատակցի մրցույթ:
Գործուղվողը պետք է լինի Եվրոպայի խորհրդի անդամ պետություններից որևէ մեկի քաղաքացի և ունենա բարձրագույն կրթություն քաղաքական գիտությունների, միջազգային հարաբերությունների, սոցիալական և երիտասարդական աշխատանքների կամ հարակից այլ բնագավառներում:
Ընտրվելու դեպքում գործուղվողը պարտականությունների կատարման ողջ ընթացքում (1 տարի՝ պայմանագիրը երկարաձգելու հնարավորությամբ) մնում է իր հիմնական աշխատանքին այն պետությունում, որի քաղաքացին է հանդիսանում: Եվրոպայի խորհրդի կողմից վարձատրություն, սոցիալական և բժշկական ապահովագրություն չի տրամադրվում:
Մրցույթին դիմելու պարտադիր պայմաններն են երիտասարդական քաղաքականությանն առնչվող ծրագրերում ընդգրկվածության (տեղական և միջազգային) կամ երիտասարդական աշխատանքի իրականացման առնվազն 2 տարվա մասնագիտական փորձառությունը, հաղորդակցման և բանակցային հմտություններին տիրապետումը, անգլերենի գերազանց իմացությունը (ֆրանսերենի իմացությունը ցանկալի է):
Հայտադիմումի լրացման հղումը, դիմելու վերջնաժամկետը ս.թ. մայիսի 10-ն է:
Մանրամասներին կարող եք ծանոթանալ կից նյութերից:
