«Չեմպիոնը՝ պատերազմում». Պեգովի լուսանկարը Միհրան Հարությունյանի հետ
«Չեմպիոնը՝ պատերազմում». այսպես է վերնագրել «WarGonzo» նախագծի հեղինակ Սեմյոն Պեգովը Տելեգրամի իր ալիքում հրապարակած լուսանկարը ռուսաստանաբնակ հայ ըմբշամարտիկ Միհրան Հարությունյանի հետ։ Ինչպես ավելի վաղ հայտնի էր դարձել, վերջինս այս օրերին գտնվում է Արցախում։
«Ո՞ւմ միայն չես հանդիպի Արցախյան ճակատում․ լուսանկարում հունահռոմեական ոճի ըմբշամարտիկ, Ռիոյի օլիմպիական խաղերի արծաթե մեդալակիր Միհրան Հարությունյանն է։ Եվ ինչպես իսկական մարտիկ՝ Միհրանն այսօր առաջնագծում է»,- գրել է Պեգովը։
Հայ ըմբշամարտիկը նույնպես լուսանկար է հրապարակել Արցախում գտնվող բլոգերի հետ՝ կից նշելով.«Ողջույն Ստեփանակերտից»։
