Այսօր առավել քան երբևէ մեր եղբայրների, զավակների կողքին պետք է լինենք․ Աստղիկ Ավետիսյան
Հայկական PR ասոցիացիայի նախագահ, ԵՊՀ ժուռնալիստիկայի ֆակուլտետի դոցենտ, բ. գ. թ. Աստղիկ Ավետիսյանը ֆեսբուքյան իր էջում գրել է․
«Պատերազմի ժամանակ հրամանատարին, գեներալին, որդեկորույս մորը և պատերազմի դաշտում զինվորի ծնողներին դաս տվողներ ձեզ ի՞նչ անունով պետք է դիմել. դուք ո՞վ եք, որ քննարկեք և քննադատեք նրանց, դուք ո՞վ եք, որ հայհոյեք ու դաս տաք նրանց։
Այսօր առավել քան երբևէ զսպվածություն պետք է ցուցաբերենք,
այսօր առավել քան երբևէ միմյանց նկատմամբ հարգանք պետք է դրսևորենք,
այսօր առավել քան երբևէ միասնական պետք է լինենք,
այսօր առավել քան երբևէ մեր եղբայրների, զավակների, հայրերի կողքին պետք է լինենք։ Պատերազմը մեր դռանն է, եթե կարող եք որևէ բանով օգնել` օգնե՛ք, եթե ո՛չ` լռեք։
Փառք մեր զինվորին ու զորականին, հավերժ փառք մեր անմահացած հերոսներին»։