Search

Դեյվիդ Նեբել. «Անհամբեր սպասում եմ իմ համերգին»



Խաչատրյանի 5-րդ միջազգային փառատոնի շրջանակում նոյեմբերի 9-ին հայտնի ջութակահար Դեյվիդ Նեբելը հանդես կգա Հայաստանի պետական երիտասարդական նվագախմբի հետ՝ դիրիժոր Սերգեյ Սմբատյանի ղեկավարությամբ: Համերգը տեղի կունենա Արամ Խաչատրյան համերգասրահում: Մինչ երևանյան համերգը Նեբելը տեսաուղերձ է հղել հայ հանդիսատեսին:

«Հաջորդ շաբաթ առաջին անգամ Հայաստան եմ գալու: Անհամբեր սպասում եմ այցիս: Ես եզակի հնարավորություն եմ ունենալու հանդես գալու Հայաստանի պետական երիտասարդական նվագախմբի և ֆանտաստիկ մաեստրո Սերգեյ Սմբատյանի հետ: Կատարելու եմ Բեթհովենի Ջութակի կոնցերտը, դրան հաջորդելու է Չայկովսկու Սիմֆոնիա թիվ 6-ը: Միացեք մեզ, ես ուրախ կլինեմ ձեզ տեսնելու այնտեղ: Սպասում եմ ձեզ նոյեմբերի 9-ին»,- իր տեսաուղերձում նշում է Նեբելը:

Դեյվիդ Նեբելը ծնվել է 1996 թվականին Ցյուրիխում, 5 տարեկանում սկսել է ջութակ նվագել: «Պատանի ջութակահար՝ խոստումնալից հեռանկարներով». այսպիսին էր Neue Zürcher Zeitung-ի նյութի վերնագիրը Camerata Zürich-ի հետ Դեյվիդի առաջին մենահամերգի մասին: Նա 9 տարեկան էր և կատարեց Վիվալդիի «Տարվա եղանակները»: 2009թ. Նեբելը Շվեյցարիայի երիտասարդական երաժշտական մրցույթում շահեց առաջին մրցանակը և մենահամերգով հանդես եկավ Ցյուրիխի Tonhalle-ում:

Դեյվիդը LGT Young Soloists անսամբլի հիմնադիր անդամներից է, հանդես է գալիս որպես մենակատար, ինչպես նաև նվագակցող կոլեկտիվի՝ Եվրոպայում և Ասիայում կազմակերպվող համերգային շրջագայությունների ընթացքում:

Հիշեցնենք, որ Խաչատրյանի միջազգային փառատոնն անցկացվում է ՀՀ Նախագահ Սերժ Սարգսյանի հովանու ներքո։ Երաժշտական այս տոնը կյանքի է կոչում Հայաստանի պետական երիտասարդական նվագախումբը (գլխավոր գործընկեր՝ ՎիվաՍելլ-ՄՏՍ)՝ ՀՀ մշակույթի նախարարության, «Խաչատրյան» և Մշակույթի աջակցության եվրոպական հիմնադրամների աջակցությամբ։

Նեբելի տեսաուղերձը կարող եք դիտել հետևյալ հղմամբ https://www.youtube.com/watch?v=NuLjeg_lvIw


Արտոնությունից կօգտվեն նաև նախնական մասնագիտական կրթական ծրագրով ընդունված անձինք․ ԿԳՄՍ

Ճարտարագիտական ամառային դպրոցը նոր գիտելիքներ տվեց ուսանողներին

Առուշ Առուշանյանի գործով կալանավորման հարցի վերաբերյալ որոշումը կհրապարակվի հինգշաբթի

Տեսարանը շատ տհաճ է. Արսեն Բաբայան

Հայաստանում Իրանի դեսպանն այցելել է Գեղարքունիքի մարզ. ՊՆ

ՌԴ դեսպանությունը նոր ռազմական կցորդ ունի. հանդիպում Արտակ Դավթյանի հետ

Այստեղ «ժողովրդի քվեն» իրենց ոչնչով չի կարող օգնել. Էդուարդ Շարմազանով

ԼՐԱՀՈՍ
practice cover.png