Best of British Education կրթական ցուցահանդեսը մեկնարկում է Երևանում
- Anews.am

- Oct 23, 2017
- 1 min read
Հոկտեմբերի 25-ին ժամը 14.30-ին Արմենիա Մարիոթ հյուրանոցում տեղի կունենա Best of British Education կրթական ցուցահանդեսը, որը կազմակերպում է Երևանում բրիտանական դեսպանատունը Բրիտանական խորհրդի հետ համագործակցությամբ
Best of British Education կրթական ցուցահանդեսը հիանալի հնարավորություն է ինչպես տարբեր ոլորտների մասնագետների, այնպես էլ ուսանողների և դպրոցականների համար ծանոթանալու Միացյալ Թագավորությունում, Հայաստանում և այլուր բրիտանական որակյալ կրթություն ձեռք բերելու հնարավորություններին, մասնագիտական զարգացման և վերապատրաստման ծրագրերին ու անգլերենի ուսուցման և թեսթավորման ծրագրերին:
«Հայաստանում գտնվելուս ավելի քան երկու տարիների ընթացքում ես նկատել եմ, թե հայկական ընտանիքներն ինչքան բարձր են գնահատում կրթությունը։ Հետևաբար ես շատ ուրախ եմ, որ հետզհետե աճում է բրիտանական համալսարանների հետաքրքրվածությունը՝ խթանելու հայաստանյան հաստատությունների հետ կապերը։ Նաև ուրախ եմ, որ ՀՀ կրթության և գիտության նախարարությունը հետաքրքրված է կիրառելու բրիտանական փորձը՝ դպրոցներում անգլերենի դասավանդումը բարելավելու նպատակով», -ասաց ՄԹ դեսպան Ջուդիթ Ֆարնուորթը:
«Կրթական ցուցահանդեսների շնորհիվ մեր ուսանողները կկարողանան ծանոթանալ այն հնարավորություններին, որոնք ընձեռում է Միացյալ Թագավորությունը», -ասաց Բրիտանական խորհրդի հայաստանյան մասնաճյուղի տնօրեն Արևիկ Սարիբեկյանը:
Ցուցահանդեսի մասնակիցները հնարավորություն կունենան մասնամասն տեղեկություններ ձեռք բերելու այնպիսի կրթական ծրագրերի մասին, ինչպիսիք են՝ Chevening կրթաթոշակային ծրագիրը, որը հնարավորություն է ընձեռում անվճար մագիստրոսական կրթություն ստանալ բրիտանական լավագույն համալսարաններում, John Smith Fellowship ծրագիրը, որի միջոցով հնարավոր է անվճար մասնագիտական վերապատրաստում ստանալ բրիտանական պետական և մասնավոր կառույցներում, Բրիտանական խորհրդի անգլերենի ուսուցման և դասավանդման ծրագրերը, Անգլերենի իմացության IELTS, APTIS թեստերը, CMI, CIMA և ACCA մասնագիտական որակավորումները, Շեֆիլդի համալսարանի Սիթի Քոլեջ միջազգային ֆակուլտետի առաջարկած ծրագիրը, Դիլիջանի միջազգային դպրոցը, Քեմբրիջի միջազգային դպրոցը, Հայաստանի բրիտանական միջազգային դպրոցը:
Կներկայացվեն նաև բրիտանական հանրահռչակ հրատարակչությունների գրքերը:
Ցուցահանդեսի ընթացքում կկազմակերպվեն նաև նշված ծրագրերի առանձին շնորհանդեսներ:
Ցուցահանդեսի մասնակիցները հնարավորություն կունենան նաև շահելու հետաքրքիր մրցանակներ՝ մասնակցելով Treasure Hunt մրցույթին, որին մասնակցելու համար անհրաժեշտ է գրանցվել:
Ցուցահանդեսը կազմակերպվել է հայ-բրիտանական դիվանագիտական հարաբերությունների հաստատման 25-ամյակին նվիրված նախաձեռնությունների շրջանակում:











Comments