Search

Սթրիթ արթի միջոցով գեղեցկացնում են համայնքները և բարեկարգում էկոտուրիստական կենտրոնները


Արենի, Կուրթան, Աղձք, Հաղարծին, Խնձորեսկ, Ուրցաձոր համայնքների զբոսաշրջային վայրերում այսուհետև զբոսաշրջիկներին կդիմավորեն պատկերազարդ նկարները։ Դրանք արվել են համայնքների երիտասարդների ջանքերով «Եղվարդ» երիտասարդական-բնապահպանական հասարակական կազմակերպության «Քայլ առ քայլ դեպի գունեղ ապագա» խորագրով ծրագրի շրջանակներում։ Նախաձեռնությունը կյանքի է կոչվել ՀՀ Նախագահի աշխատակազմի կողմից ՀԿ-ներին հատկացվող դրամաշնորհի և Հայաստանի երիտասարդական հիմնադրամի հայտարարած մրցույթի շրջանակներում։

Ծրագրի համակարգող Ռուզաննա Մանյանը նշում է, որ իրենց նախաձեռնության նպատակն է սթրիթ արթի կիրառման միջոցով գեղեցկացնել համայնքները՝ այդպիսով խթանելով զբոսաշրջության զարգացմանը գյուղական բնակավայրերում։

Ծրագրի շրջանակներում նախ՝ հանդիպումներ են կազմակերպվել տեղի երիտասարդների հետ։ Փորձագետ, նկարիչ Մարիամ Մուղդուսյանը խոսել է սթրիթ արթի մասին՝ այն ներկայացնելով նաև որպես այլընտրանքային գործիք տուրիստական, մասնավորապես, էկոտուրիստական կենտրոնների բարեկարգման, գեղագիտական տեսքի ապահովման համար։ Տեսական գիտելիքներից հետո երիտասարդներն անցել են գործնական աշխատանքի և նկարազարդել ընտրված պատերը, որոնք էկոտուրիստական կետի ճանապարհին են կամ մուտքի մոտ։

Տարբեր համայնքներում տարբեր պատկերներ են ստացել։ Աղձքում պատկերվել է սեր սփռող կին, Ուրցաձորում ներկայացված է նոր, գունավոր աշխարհը բացահայտող երիտասարդ, Հաղարծնի մուտքին նկարված է աղջկա գեղեցիկ թռիչքը և այլն։

Ծրագրի ամփոփիչ փուլում պատրաստվում են բացիկներ (postcard)՝ համայնքների անուններով և կատարված նկարազարդումներով։ Բացիկները՝ յուրահատուկ այդ այցեքարտերը, կտրամադրվեն մասնակից համայնքների պետական և ոչ պետական կառույցներին։ Բացիկների տարածումը կնպաստի գյուղական համայնքներում էկոտուրիզմի զարգացմանը՝ զբոսաշրջիկներ գրավելու տեսանկյունից:


ՄԻՊ Արման Թաթոյանը` գերիների թիվը չհրապարակելու մասին

Փաշինյանը և Նիդերլանդների դեսպանը քննարկել են երկկողմ կապերի զարգացման օրակարգը

Գևորգ, դու սատարել ես այն իշխանությանը, դու համաձայն ես, որ Շուշին հանձնել են ․ Արփինե Հովհաննիսյան

Առաջին բուժօգնության պարապմունքներ

ՍԴ-ն ամփոփել է 2020թ․-ին իրականացված դրամական պարգևատրումների ծավալը

Արցախի և Հայաստանի բուհեր ընդունվելու համար դիմորդները կհանձնեն առավելագույնը 2 միասնական քննություն

Այս փուլում ամենակարևորն այն է, որ Արցախի բնակչությունն իր թիկունքում զգա 10 մլն հայության շունչը

ԼՐԱՀՈՍ
practice cover.png
ԽՄԲԱԳՐՈՒԹՅՈՒՆ
  • Facebook
  • YouTube
ԼՐԱՏՎՈՒԹՅՈՒՆ

Կայքի բոլոր իրավունքները պաշտպանված են: Կայքից մեջբերումներ անելիս ակտիվ հղումը Anews.am-ի պարտադիր է: 

 

Հայտարարությունների և գովազդների բովանդակության համար կայքը պատասխանատվություն չի կրում: