TikTok-ը կսկսի մեխանիկորեն հեռացնել չթույլատրված տեսանյութերը

TikTok կարճ տեսանյութերի ծառայությունը կսկսի կիրառել ստուգման ավտոմատացված համակարգեր, որոնք կփնտրեն եւ կհեռացնեն անթույլատրելի բովանդակությամբ տեսանյութերը, որտեղ մերկ մարմին է, սեքսի, բռնության, անօրինական գործողություններով եւ արգելված ապրանքներով տեսարաններ, հաղորդում է ՌԲԿ-ն:

Եթե համակարգը հայտնաբերում է այդպիսի տեսանյութ, այն կհեռացվի, իսկ օգտատերն անմիջապես կստանա ծանուցում պատճառների բացատրությամբ: Դա կնվազեցնի մոդերատորների ծանրաբեռնվածությունը, իսկ սխալի դեպքում օգտատերերը կկարողանան բողոքարկել:

Ինչպես հայտնել են ընկերությունում, կոնտենտի ավտոմատացված ստուգումը կգործարկվի ԱՄՆ-ում եւ Կանադայում առաջիկա շաբաթների ընթացքում: