Nokia-ն ներկայացրել է ստեղներով երկու նոր հեռախոս
HMD Global ընկերությունը, որին պատկանում է Nokia ապրանքանիշը, ներկայացրել է ստեղներով երկու նոր հեռախոս՝ Nokia 150 (2023) և Nokia 130 Music: Այս սարքերը համատեղում են ոճային դիզայնը և հուսալիությունը և առաջարկում են մի շարք առանձնահատկություններ, որոնք գրավիչ կլինեն այն մարդկանց համար, ովքեր դեռ օգտագործում են նման հեռախոսներ:
Nokia 150 (2023). Ոճ և պաշտպանություն
Nokia 150-ը (2023) առանձնանում է նրբագեղ գունավոր պոլիկարբոնատային կորպուսով: Այս հեռախոսը համատեղում է ոճն ու ամրությունը՝ IP52 ջրակայունության եւ փոշու դիմադրության հետ՝ տարբեր միջավայրերում անվտանգ օգտագործման համար: Սարքն ունի տեքստուրային հետևի վահանակ և մետաղական ֆունկցիոնալ ստեղներ: 2.4 դյույմանոց 240 x 320 պիքսել լուծաչափով էկրանն ապահովում է օգտատիրոջ հարմարավետ փորձ, մինչդեռ Nokia OS S30+ օպերացիոն համակարգը ապահովում է հեռախոսի անխափան աշխատանքը:
Օգտատերերը կարող են ընդլայնել հեռախոսի հիշողությունը microSD քարտով մինչև 32 ԳԲ՝ 0,3 մեգապիքսել տեսախցիկով արված լուսանկարների և երաժշտական ֆայլերի համար ավելի շատ տարածք ունենալու համար: Հեռախոսի հնարավորությունները լրացնում են FM ռադիոն և 3,5 մմ ականջակալների միակցիչը:
Nokia 130 Music. երաժշտասերների համար
Nokia 130 Music-ը, որը նաև հայտնի է որպես Nokia 130 (2023), նախատեսված է երաժշտասերների համար: Տեսախցիկը փոխարինող բարելավված բարձրախոսն ապահովում է բարձրորակ ձայն:
Ճիշտ այնպես, ինչպես Nokia 150-ը, այս հեռախոսը կարող է նվագարկել MP3 ֆայլեր microSD քարտից (մինչև 32 ԳԲ) կամ FM ռադիոյի միջոցով: Հեռախոսը ունի նաեւ ականջակալներ՝ երաժշտություն լսելու համար:
Երկարատև աշխատանք և մատչելի գին
Երկու հեռախոսներն էլ հագեցած են 1450 մԱ/ժ մարտկոցով, որը հնարավորթյուն կտա մինչև 20 ժամ խոսել կամ մինչև 30 ժամ երաժշտություն լսել: Սարքերը աշխատում են 2G ցանցերում և աջակցում են երկու SIM քարտ:
Հեռախոսները հասանելի կլինեն տարբեր գույներով և մատչելի գնով: Nokia 130 Music-ը հասանելի կլինի մուգ կապույտ և մանուշակագույն գույներով՝ 22,3 դոլարով և բաց ոսկեգույնով՝ 23,5 դոլարով: Nokia 150 (2023) որպես պրեմիում մոդելի արժեքը 32,6 դոլար է՝ անկախ ընտրված գույնից՝ փայտածուխ, կապույտ կամ կարմիր:
