Իրանն ի վիճակի է երեք ատոմային ռումբ ստեղծել. Reuters
Իրանն արդեն ունի 128,3 կգ ուրան՝ հարստացված մինչև 60 տոկոս։ Այս մասին չորեքշաբթի՝ նոյեմբերի 15-ին, հայտնում է Reuters գործակալությունը՝ վկայակոչելով Ատոմային էներգիայի միջազգային գործակալության (ՄԱԳԱՏԷ) գաղտնի զեկույցը։ Դրա հաշվարկներով՝ 90 տոկոսով հարստացված այս նյութի մոտ 42 կգ-ը «տեսականորեն» բավական է ատոմային ռումբ ստեղծելու համար։ Այսպիսով, Իրանի ուրանի պաշարները, որոնք ենթակա են հետագա հարստացման, բավարար են երեք ատոմային ռումբ ստեղծելու համար, հաղորդում է DW-ն։ Միաժամանակ, ըստ ՄԱԳԱՏԷ-ի, վերջին շրջանում Իրանում ամսական միջինում մոտ 3 կգ ուրան հարստացվում է մինչև 60 տոկոս։ Այս տարվա սկզբին այդ ցուցանիշը հասել է 9 կգ-ի, նշում են կազմակերպությունը։ Դիվանագիտական աղբյուրները տեմպերի դանդաղումը կապում են Թեհրանի և Վաշինգտոնի միջև անուղղակի բանակցությունների հետ, որոնցից ևս մեկը հանգեցրեց սեպտեմբերին գերիների փոխանակմանը:
