Search

Երևանի քաղաքապետ Տարոն Մարգարյանի շնորհավորական ուղերձը Երկրապահի օրվա առթիվ



Սիրելի՛ երկրապահներ, Արցախյան ազատամարտի հարգելի՛ վետերաններ,

սրտանց շնորհավորում եմ Երկրապահի օրվա առթիվ:

Մեր անկախ պետականության կերտման և կայացման գործում իրավամբ անժխտելի է Երկրապահի դերը: Արցախյան ազատամարտը, որ Հայոց նորագույն պատմության փառահեղ էջն է, գրվեց հենց նվիրյալ երկրապահների սխրանքով, ովքեր ինքնակամ ստանձնեցին հայրենիքի պաշտպանի շնորհակալ առաքելությունն ու, հերթական անգամ վերանվաճելով հայերիս ազատ ապրելու և հարատևելու իրավունքը, դարձան հաղթանակած մեր բանակի ամուր հենասյունը:

Եռասերունդ երկրապահն այսօր էլ, վստահաբար, շարունակում է իր նշանակալի ավանդն ունենալ բանակային կադրերի համալրման գործում՝ հավատարիմ մնալով իր բուն կոչմանն ու առաքելությանը և ապավինելով անցած փառավոր ուղուն ու դավանած արժեքներին:

Երկրապահի տոնը նաև խոնարհումի օր է բոլոր այն հայորդոց հիշատակին, ովքեր իմացյալ մահվան գնով վերանվաճեցին ազատ Արցախ ու անկախ Հայաստան ունենալու մեր իրավունքը: Հավե՛րժ փառք բոլոր հերոսներին ու խորին խոնարհում նրանց շիրիմներին:

Զոհված ազատամարտիկների ու զինվորների սիրելի՛ ծնողներ և հարազատներ,

այս օրը նաև ձեր անհատնում համբերության և անկոտրում կամքի գնահատման օր է: Դուք իրավամբ արժանի եք ամենաբարձր գնահատանքի ու մեծարման: Անկեղծ երախտագիտությամբ խոնարհվելով ձեր առաջ` վստահեցնու՛մ եմ, որ իմ ուժերի և հնարավորությունների սահմանում շարունակելու եմ միշտ լինել ձեր կողքին:

ՏԱՐՈՆ ՄԱՐԳԱՐՅԱՆ

Երևանի քաղաքապետ

#Երկրապահիօր #Երևանիքաղաքապետրան

Արտոնությունից կօգտվեն նաև նախնական մասնագիտական կրթական ծրագրով ընդունված անձինք․ ԿԳՄՍ

Ճարտարագիտական ամառային դպրոցը նոր գիտելիքներ տվեց ուսանողներին

Առուշ Առուշանյանի գործով կալանավորման հարցի վերաբերյալ որոշումը կհրապարակվի հինգշաբթի

Տեսարանը շատ տհաճ է. Արսեն Բաբայան

Հայաստանում Իրանի դեսպանն այցելել է Գեղարքունիքի մարզ. ՊՆ

ՌԴ դեսպանությունը նոր ռազմական կցորդ ունի. հանդիպում Արտակ Դավթյանի հետ

Այստեղ «ժողովրդի քվեն» իրենց ոչնչով չի կարող օգնել. Էդուարդ Շարմազանով

ԼՐԱՀՈՍ
practice cover.png