Conductor Cloud-ը կփակվի նոյեմբերի 20-ին․ օգտատերերին հորդորում են արտահանել տվյալները

Թեմատիկ լուսանկար

Conductor-ը հայտարարել է Meta-ին միանալու և ամպային ծառայության փակման մասին։ Conductor Cloud-ի օգտատերերը պետք է իրենց տվյալներն արտահանեն մինչև նոյեմբերի 20-ը․ այդ օրվանից ընկերությունը սկսելու է ամպային տվյալների ջնջումը։

Պաշտոնական ժամանակացույցով՝ նոյեմբերի 4-ից նոր գրանցումներն ու հավելվածի ներբեռնումը դադարեցվել են։ Գործող անվճար օգտատերերը չեն կարող անցնել վճարովի փաթեթի, իսկ Pro-ի գործող հնարավորությունները դրա բաժանորդները կարող են օգտագործել անվճար։

Նոյեմբերի 13-ից՝ միայն ընթերցում

Նոյեմբերի 13-ին Cloud-ի աշխատանքային տարածքները կանցնեն միայն ընթերցման ռեժիմի։ Հին զրույցները դիտելն ու տվյալներն արտահանելը դեռ հնարավոր կլինեն, բայց նոր հաղորդագրություններ ուղարկել չի ստացվի։ Ակտիվ բաժանորդներին խոստացվում է գումարի վերադարձ։

Ինչպես պահել աշխատանքը

Ամպային աշխատանքային տարածքն ու դրա զրույցները Mac տեղափոխելու համար ընկերությունը առաջարկում է տարածքի վրա աջ սեղմումով ընտրել «Transfer to local»։ Բոլոր տվյալների արխիվը ստանալու տարբերակը Settings → Account → Export data ճանապարհն է։

Տեղային տարբերակը կշարունակի գործել և նոր մոդելների ու կարևոր սխալների ուղղումներ ստանալ մինչև 2027 թվականի սկիզբը։ Այնուհետև նախատեսվում է նաև դրա աշխատանքի աստիճանական դադարեցում։ Նոր արտադրանքի թողարկման մասին խոսվում է որպես ծրագիր՝ առանց վերջնական գործարկման ամսաթվի։

Պաշտոնական հայտարարությունը