12 մետրանոց նոր ավտոբուսները մարտից երթուղի դուրս կգան

12 մետրանոց 87 «MAN» մակնիշի ավտոբուսներից 44-ն արդեն Երևանում են: Փետրվարին կժամանի մյուս խմբաքանակը: Նոր ավտոբուսները համայնքը ձեռք է բերել Եվրամիության աջակցությամբ՝ ՎԶԵԲ-ի վարկային միջոցներով: Երևանի քաղաքապետի առաջին տեղակալ Լևոն Հովհաննիսյանը, փոխքաղաքապետ Տիգրան Ավինյանը և Հայաստանում Եվրոպական Միության դեսպան Անդրեա Վիկտորինն այցելել են նոր ավտոբուսների հավաքակայան, այնուհետ կարճ ուղեգծով փորձարկել դրանք քաղաքային երթևեկության պայմաններում: «Համայնքը թե՛ իր միջոցներով, և թե՛ Կառավարության ու միջազգային գործընկերների աջակցությամբ ձեռք է բերում նոր շարժակազմեր: «MAN» ավտոբուսների ընդհանուր արժեքը կազմում է մոտ 12 մլրդ դրամ: Բացի այդ, համայնքը մոտ 6.5 մլրդ ծախսել 150 «Ժոնգ Թոնգ» մակնիշի ավտոբուսների, մոտ 2 մլրդ դրամ էլ՝ 15 նոր տրոլեյբուսների համար: Այս գնումները հնարավոր է եղել նաև երևանցիների վճարվող հարկերի միջոցով», -ասում է Լևոն Հովհաննիսյանը: «Վստահաբար տրանսպորտի խնդիրը Երևանում ամենասուրն է այս պահին: Քաղաքապետարանը շարունակաբար ջանքեր է գործադրում՝ խնդիրը համակարգային լուծելու համար: Ավտոբուսների ներկրումը կարևոր բարեփոխումների մեկ բաղադրիչն է: Կան նաև հաջորդական քայլերը, որոնց իրականացումից հետո, տրանսպորտի խնդիրը, կարծում եմ, մեկ-երկու տարվա ընթացքում վերջնականապես կլուծվի»,-նշել է Տիգրան Ավինյանը և հավելել, որ նոր ավտոբուսներն երթուղի դուրս կգան արդեն մարտին: Կարդացեք նաև Երևանը և Թեհրանը քույր քաղաքներ են հռչակվել Փակ կլինի Աբովյան փողոցի՝ Պուշկինի հատման անկյունից մինչև Հանրապետության հրապարակ հատվածի երթևեկությունը Ավինյանը փոխքաղաքապետ դառնալուց հետո մնացել է ԱՆԻՖ-ում. ԿԿՀ-ն վարույթ է հարուցել. «Հետք» «Սա տնտեսական ներդրումային առաջին համաձայնագիրն է, որը մենք ստորագրել «կանաչ» քաղաք ունենալու համար: Հուսով ենք, որ ավտոբուսների շնորհիվ Երևանի օդի որակը էապես կբարելավվի», – նշում է ԵՄ դեսպանը: «Մենք կարևորում ենք ոչ միայն ավտոբուսների ձեռքբերումը, այլև քաղաքում ընդհանուր ենթակառուցվածքների զարգացմանն ուղղված ծրագրերը: Երևանի քաղաքապետարանի հետ համատեղ նախագծերն, իհարկե, շարունակական են լինելու» ,-ընդգծել է ՎԶԵԲ հայաստանյան գրասենյակի ղեկավար Ջորջ Ախալկացին: Ավտոբուսները հարմարավետ են ինչպես նստած, այնպես էլ կանգնած ուղևորների համար: Սրահն ամբողջությամբ կահավորված է տեսախցիկներով, որոնք հետագայում կմիացվեն կառավարման կենտրոնին: «12 մետրանոց, սեղմված բնական գազով աշխատող, ցածրահատակ ավտոբուսներն են: էստեղ կա հենաշարժողական խնդիրներ ունեցող անձանց համար ոտնակ, որով կարող են բարձրանալ ավտոբուս: Այստեղ նաև առանձին հատուկ նստատեղեր են նախատեսված» ,- նշում է Քաղաքային կայուն զարգացման ներդրումային ծրագրի ղեկավար Նորա Մարտիրոսյանը: Ավտոբուսների որոշ վարորդներ այս ընթացքում նաև հատուկ վերապատրաստում են անցել Գերմանիայում: Փուլ առ փուլ իրականացվող տրանսպորտային բարեփոխումների շարքում այս տարի նախատեսվում է ներդնել նաև տոմսային համակարգը: «Մենք արդեն ունենք տոմսային համակարգի ներդրող ընկերություն, որը կազմակերպելու է միասնական տոմսային համակարգի ներդրումը ոչ միայն ավտոբուսներոմ, այլև դիտարկում ենք նույն համակարգը տեղադրել մետրոյում: Վստահաբար այն հնարավորություն կտա ձերբազատվել մետաղադրամներից» -ասում է փոխքաղաքապետ Ավինյանը: Սահմանված հստակ ժամանակացույց, հարմարավետ ավտոբուսներ, վճարման նոր համակարգ: Իսկ կռացած, անհարմար միկրոավտոբուսներով երթևեկելն արդեն շուտով անցյալում կմնա:

Երևանի քաղաքապետարանի աշխատակազմի լրատվության վարչություն