Հրդեհ Այնթապ գյուղում

Հրդեհ Այնթապ գյուղում Մարտի 12-ին, ժամը 01։04-ին Արարատի մարզային ճգնաժամային կառավարման կենտրոն ահազանգ է ստացվել, որ հրդեհ է բռնկվել Այնթապ գյուղում գտնվող խանութում։ Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ։ Պարզվել է, որ հրդեհը բռնկվել է Այնթապ գյուղի Արտաշատի խճուղում գտնվող խանութում: Հրդեհը մեկուսացվել է ժամը 01:40-ին, մարվել՝ 02:15-ին: Այրվել են մոտ 25 պլաստմասսայե և թղթե արկղեր, կենցաղային իրեր և ջերմահարվել՝ օդափոխիչն ու կախովի առաստաղը (մոտ 10 քմ)։