Ընդդիմությունը մտադիր է ԱԺ նախագահի թեկնածու առաջադրել
Dec 13, 2021
1 min read
ՀՀ ԱԺ նոր նախագահի թեկնածությունը կառաջադրի ընդդիմադիր երկու խմբակցություններից մեկը։ Այս մասին այսօր՝ դեկտեմբերի 13-ին, Ազգային Ժողովում ավանդական ճեպազրույցների ժամանակ ասաց «Հայաստան» խմբակցության քարտուղար Արծվիկ Մինասյանը՝ պատասխանելով հարցին, թե ով է դառնալու ԱԺ նախագահի ընդդիմադիր թեկնածուն։
Պատգամավորի խոսքով՝ այս հարցը այժմ քննարկվում է։ «Այս հարցը քննարկվել է նաեւ «Պատիվ ունեմ» խմբակցության հետ։ Կարծում եմ՝ առաջիկայում նրանք հանդես կգան հայտարարությամբ»,-ասաց Մինասյանը։
Հիշեցնենք, որ ընդդիմությունը շրջանառության մեջ է դրել Ազգային ժողովի նախագահ Ալեն Սիմոնյանի հրաժարականը պահանջող նախագիծ։ Ճիշտ է, կասկածելի է, որ մեծամասնությունը պաշտոնանկ կանի Ալեն Սիմոնյանին։
Comments