Հայտնի են Հայկական PR մրցանակաբաշխության 2022-ի հաղթողները

Հայկական Փի Ար ասոցիացիան հերթական անգամ պարգևատրեց հանրային կապերի և հաղորդակցության մասնագետներին, լավագույն ծրագրերի ու գաղափարների հեղինակներին:

Հայկական Փի Ար ասոցիացիայի նախագահ, ԵՊՀ ժուռնալիստիկայի ֆակուլտետի «PR և հաղորդակցային տեխնոլոգիաներ» մագիստրոսական ծրագրի ղեկավար Աստղիկ Ավետիսյանի խոսքով, հանրային և քաղաքական դեմքերի, ընկերությունների ու պետական գերատեսչությունների աշխատանքը Հայկական Փի Ար ասոցիացիայի հետազոտական թիմի ուշադրության կենտրոնում է: Մրցանակաբաշխությունը միտված է բարձրացնել ու կարևորել հանրային կապերի մասնագետի դերը, արժևորել հանրույթի հետ հետադարձ կապը, խրախուսել հաղորդակցության կառավարման նոր մեթոդների ու տեխնոլոգիաների ստեղծումն ու կիրառումը:

«Հայկական PR մրցանակաբաշխությունը հաղորդակցության ոլորտի լավագույն հանրագումարային միջոցառումն է, որտեղ խրախուսվում են հանրային կապերի հաղորդակցության մասնագետները, հանրային և քաղաքական կյանքում մեծ դերակատարություն ունեցող անհատները, տարվա ընթացքում հանրային հնչեղություն ունեցող նախաձեռնություններն ու իրադարձությունները, իրականացված արշավներն ու հնարքները, որոնք արժանացել են հանրույթի ուշադրությանը: Հայկական Փի Ար ասոցիացիան 2015 թվականից նախաձեռնել է իրականացնել գիտական հետազոտություններ, որոնք հնարավորություն են տալիս հավաքագրելու հաղորդակցության ոլորտի գործող անձանց և կառույցների կառավարման գործիքների և տեխնոլոգիաների մասին տեղեկատվությունը»,- նշում է PR մասնագետը:

Հետազոտության ընթացքում հարցման է ենթարկվել 8700 մարդ, որից 5700-ը կին և 3000-ը տղամարդ: Խորքային հարցազրույցներ են իրականացվել 73 ոլորտային փորձագետների հետ: Փորձագիտական հարցման է ենթարկվել 120 հաղորդակցության ոլորտի մասնագետ: Տարվա կտրվածքով կազմակերպվել են 53 ֆոկուս խմբային քննարկումներ. յուրաքանչյուր խմբում մասնակցել են 12 հոգի տարիքային տարբեր խմբերով՝ 20-35, 35-50, 50 և ավելի: Հետազոտությունների արդյունքում մրցանակաբաշխության յուրաքանչյուր անվանակարգում ձևավորված լավագույն տասնյակից քանակական հետազոտության մեթոդաբանությամբ առանձնացվել է լավագույն եռյակը, որից տարվա լավագույնին ընտրել է միջազգային մասնագիտական հանձնաժողովը:

Հայկական PR մրցանակաբաշխության մասնագիտական հանձնաժողովի նախագահը գերմանացի հայտնի ճառագիր, հաղորդակցության մասնագետ, դոկտոր Վազրիկ Բազիլն է:

«ՀՀ քաղաքական, տնտեսական և ընկերային այս ծանր իրավիճակում լավ է, որ ամեն ոք կատարի իր բնագավառում կարելին։ Եվ հանրային կապն էլ իր ոլորտում լինի բարձրորակ, կիրթ և նպատակասլաց։ Այս համատեքստում Հայկական PR մրցանակաբաշխությունը խթանում է անդրադարձումը, ընդգծում արհեստավարժության անհրաժեշտությունը, ոգևորում հանրային կապերի մասնագետներին շարունակել ու բարելավել իրենց աշխատանքները»,-իր ելույթում նշեց Վազրիկ Բազիլը:

Հայկական PR մրցանակաբաշխության լավագույն եռյակում են հայտնվել հետևյալ կառույցներն ու անհատները.

Տարվա հրապարակային գործիչ՝

. Արման Թաթոյան (Հաղթող)

. Արամ Վարդևանյան

. Ալեն Սիմոնյան

Տարվա պետական կառույց՝

.Հայաստանի Պետական եկամուտների կոմիտե

.ՀՀ կրթության, գիտության, մշակույթի և սպորտի նախարարություն (Հաղթող)

.Հարկադիր կատարումն ապահովող ծառայություն

Տարվա քաղաքական գործիչ՝

· Արարատ Միրզոյան

· Արթուր Վանեցյան

· Իշխան Սաղաթելյան (Հաղթող)

Հայկական բրենդ՝

.«Ջերմուկ» ապրանքանիշ (Հաղթող)

Հատուկ մրցանակ՝

.«Ի՞նչ, Որտե՞ղ, Ե՞րբ»ինտելեկտուալ հեռուստախաղ

Տարվա PR պատասխանատու՝

. Լուսինե Մկրտչյան(ՀՀ ՊԵԿ)(Հաղթող)

. Վահան Հունանյան (ՀՀ ԱԳՆ)

. Հունան Թադևոսյան (ԱՀ ԱԻՊԾ)

Տարվա նորարարական PR`

.360 STORIES

. Արմեդ (Հաղթող)

. Բիոնիկ ձեռք

Տարվա Սփյուռքի ԶԼՄ՝

· «Armenian Mirror- Spectator» (ԱՄՆ)

· «Զարթօնք» (Բեյրութ)

· «Horizon Armenia TV» (Հաղթող)

Տարվա մշակութային PR`

. «Հայաստանի պետական սիմֆոնիկ նվագախումբ» (Հաղթող)

. Project LA և Գոռ Սուջյան

. Գրքի երևանյան փառատոն

. Տարվա նախաձեռնություն՝

. 100 տուն Արցախի համար

. Ապագա հայկականը

. Մի դրամի ուժը (Հաղթող)

Տարվա ԶԼՄ՝

.Հանրային ռադիո. Դպրություն

. 5-րդ ալիք. Բառերէն (Հաղթող)

. Շողակաթ. Պահոց խոհանոց

Տարվա իրադարձություն՝

· ՀՀ անկախության 30 ամյակին նվիրված նվիրված հանդիսություն․ ՀՀ կառավարություն

· Մտքերի հայկական գագաթնաժողով

· Silicon Mountains տեխնոլոգիական գագաթնաժողով․ Տեղեկատվական և հաղորդակցության տեխնոլոգիաների գործատուների միություն (Հաղթող)

Տարվա ճգնաժամային կառավարում՝

· ՀայՓոստ (Հաղթող)

· Տաշիր պիցցա

· Ինեկոբանկ

Տարվա կորպորատիվ PR`

· « Վիվա-ՄՏՍ» ընկերություն (Հաղթող)

· Սոֆթ կոնստրակտ

· Դիջիթեյն

Տարվա PR տեխնոլոգիա՝

· Արցախի վիզուալիզացիա. Դիլաքյան եղբայրների «Արցախ շարք» (Հաղթող)

· Ցեց կոմիքս. Մեդիալաբ

. Զարթի՛ր Լաո

Տարվա PR արշավ՝

· Ակբա բանկ՝ Ոգեշնչված ձեզնով. Դոպինգ գործակալություն

· «Արտադրված է Հայաստանում» ծրագիրը. ՀՀ էկոնոմիկայի նախարարություն

· «Կյանքը գեղեցիկ է Հերմինե Ստեփանյանի հետ» արշավը (Հաղթող)

Հայաստանի բարեկամ՝

· Հայաստանում ԱՄՆ դեսպանատուն

«Հայկական PR մրցանակաբաշխություն 2022»-ին աջակցել են «Yeraz Projects»-ը, Հայաստանի երգի պետական թատրոնը, «Rumors Monitoring» ընկերությանը: Ինֆորմացիոն հովանավորներն են Bravo.am-ը, Tert.am-ը, ABNews TV-ն, Anews.am-ը։

Մրցանակաբաշխության նպատակն է համակարգել Հայաստանում հանրային կապերի (PR) ոլորտում իրականացվող և իրականացված լավագույն ծրագրերը, ինչպես նաև ըստ արժանվույն գնահատել հանրային կապերի մասնագետներին՝ նպաստելով Հայաստանում PR մշակույթի ձևավորմանն ու զարգացմանը: Հայկական PR մրցանակաբաշխությունը կօգնի նոր չափանիշ սահմանել հանրային կապերի պատասխանատուների համար, խթանել առողջ մրցակցությանը մասնագիտական դաշտում, լինել առավել ստեղծագործ, ինքնատիպ ու առաջադեմ:

Հայկական Փի Ար ասոցիացիայի կողմից իրականացվող հանրային կապերի (PR) ամենամյա հետազոտությունը հնարավորություն է տալիս վերլուծելու Հայաստանում անկախացումից հետո մասնագիտական ձեռքբերումները, պարզելու ոլորտում առկա խնդիրներն ու բացթողումները՝ նպաստելով հանրային կապերի մասնագետի կրթմանն ու արժևորմանը: