Ֆրանսիայի մի քանի շրջաններում շոգի պատճառով արգելվել են բացօթյա միջոցառումները

Ֆրանսիայի տարբեր շրջաններում շոգի պատճառով արգելված են բացօթյա միջոցառումները։ BBC-ի փոխանցմամբ՝ մասնավորապես Ժիրոնդի դեպարտամենտում արգելված են համերգներն ու զանգվածային այլ հավաքները։ Արգելվում են նաեւ զանգվածային միջոցառումները օդորակման համակարգերով չհագեցած սենյակներում։ Ավելին, լրատվամիջոցները նշում են, որ այս պայմաններում էլեկտրաէներգիայի սպառումն աճում է, էլեկտրաէներգիան արդեն պետք է ներմուծվի հարեւան երկրներից։ Այս շաբաթ Ֆրանսիայում օդի ջերմաստիճանը բարձրացել է մինչեւ 40 աստիճան։ Սպասվում է, որ շոգի գագաթնակետը կլինի շաբաթ օրը՝ հունիսի 18-ին։ Նաեւ շոգ եղանակ է Իսպանիայում, Իտալիայում եւ Մեծ Բրիտանիայում: Իսպանիայում այս հանգստյան օրերին կանխատեսվում է մինչեւ 43 աստիճան, Մեծ Բրիտանիայում՝ մինչեւ 33 աստիճան։ Իտալական ամենամեծ Պո գետի մակարդակն այնքան է ընկել, որ ջրի տակից սկսել են երեւալ նավերի բեկորներ։