Օրենքը նախատեսում է պատասխանատվություն հայհոյանքների համար. Օմբուդսմենի թեկնածու

Հայաստանում անկախության ձեռքբերման պահից գոյություն ունի հանրահավաքների ցիվիլ անցկացման եւ իրավապահ մարմինների կողմից դրանց սպասարկման խնդիր։ Այս մասին հայտարարեց օմբուդսմենի թեկնածու, արդարադատության փոխնախարար Քրիստինե Գրիգորյանը լրագրողների հետ զրույցում։

Նրա խոսքով՝ խնդիրը կրում է համակարգային բնույթ, եւ հարցը միայն ոստիկանության պահվածքը չէ։ Այն, որ ոստիկանության ռեֆորմներում այդ պահն արտացոլված է, վկայում է իշխանությունների կողմից խնդրի գոյությունն ընդունելու մասին։

Պատասխանելով վիրավորանքների քրեականացման մասին հարցին՝ Քրիստինե Գրիգորյանը հավաստիացրեց, որ օրենքը նախատեսում է պատասխանատվություն հայհոյանքների համար, իսկ դրանց վրա չի կարող տարածվել խոսքի ազատությունը։ Միեւնույն ժամանակ, Գրիգորյանը հիշեցրեց, որ գործող օմբուդսմեն Արման Թաթոյանը դիմել է ՍԴ օրենքի սահմանադրականության հարցով, եւ առաջարկեց սպասել դատարանի վճռին։