Վստահ եմ, բոլորդ էլ դրանում համոզվել եք, Սյունիքում ապրողներն ավելի շատ են համոզվել. Սերժ Սարգսյան

Փորձում էինք բացատրել, ասել, որ Հայաստանից, այդ թվում՝ Ջերմուկից զորակոչված զինվորները, ծառայելով Ղարաբաղում, Պաշտպանության բանակում, պաշտպանում են ոչ միայն Ղարաբաղի, այլ նաև՝ Հայաստանի սահմանները: Հիմա, վստահ եմ, բոլորդ էլ դրանում համոզվել եք, Սյունիքում, Գեղարքունիքում ապրողներն ավելի շատ են համոզվել: Այս մասին Ջերմուկ քաղաքում «Պատիվ ունեմ» դաշինքի ակտիվի և տեղի բնակիչների հետ հանդիպման ժամանակ ասել է ՀՀ երրորդ նախագահ Սերժ Սարգսյանը: «Որպեսզի տեղեկությունը ճշտեմ, հարցնում եմ քիչ առաջ՝ ադրբեջանցիները Ջերմուկից քանի՞ կիլոմետր հեռավորության վրա են՝ 10 կմ հեռավորության վրա: Բա սա խայտառակություն չէ՞, ե՞րբ է եղել նման բան, 10 անգամ ավելի հեռու էին: Բա ամոթ չէ՞ մեզ համար, սա՞ էինք ուզում, իսկ ո՞վ է ասել, որ այդ 10 կիլոմետրը 2 կիլոմետր չի դառնալու: Սա պրոբլեմ է, որը դեռևս չի ավարտվել, և ինչքան այս ստախոսները, կապիտուլյանտները մնան իշխանության, միշտ էլ կարելի է ցանկացած անակնկալ սպասել»,- ասել է Սերժ Սարգսյանը: