Սա ևս մեկ պատճառ է, որ իրավապահները սկսեն ստուգել Արցախը հանձնելու տարբերակը. Զոհրաբյան
«Բարգավաճ Հայաստան» կուսակցության խմբակցության պատգամավոր Նաիրա Զոհրաբյանը Ոստիկանությանը, ԱԱԾ-ին եւ Գլխավոր դատախազությանը կոչ արեց շտապ միջոցներ ձեռնարկել Փաշինյանի հայտարարությունների հետ կապված, որը Ազատության հրապարակում հավաքված քաղաքացիներին դավաճաններ անվանեց՝ դրանով ստեղծելով բախումների առիթ:
«Դրանից բացի, նա ասաց՝ թող գան ու ինձ գնդակահարեն: Այսինքն՝ նա ինքը հրաժարական չի տա, նա արյուն է ցանկանում եւ ամեն ինչ կանի, որ քաղաքացիական պատերազմ լինի: Նա գիտի, որ իր անունը գրվելու է դավաճանների անունների շարքում, եւ հիմա փորձում է հարուցել հանրության խղճահարությունը: Նա Արցախն ատում է: Դեռեւս 2007 թվականին էր ասում, որ Արցախը մեր գլխացավն է, եւ անհրաժեշտ է այդ խնդրից ազատվել, որպեսզի հաղորդուղիները ապաշրջափակվեն: Սա եւս մեկ պատճառ է, որ իրավապահները սկսեն ստուգել Արցախը հանձնելու տարբերակը: Ինձ համար նրանք, ովքեր ամեն կերպ արդարացնում են Նիկոլին, ժեխ են»,- շեշտեց Նաիրա Զոհրաբյանը:
