Սա հրաբխի ժայթքում չէ, այլ ռազմական պահեստների պայթյուն ու հրդեհ Ռյազանի մարզում

ՌԴ Ռյազանի մարզի ռազմական պահեստներում բռնկված հրդեհները շարունակվում են, հարակից տարածքներում արտակարգ դրության ռեժիմ է սահմանվել։ Հրդեհի տեսագրությունը հրապարակել է NEXTA Live-ի տելեգրամյան ալիքը:

«Սա հրաբխի ժայթքում չէ, այլ ռազմական պահեստների պայթյուն Ռյազանի մարզում: Այժմ այնտեղ արտակարգ ռեժիմ է մտցվել», – նշվում է տեսանյութին կից։

Հրդեհը բռնկվել է շահագործումից հանված զինամթերքի պահեստում։

Պայթյունների հետևանքով վիրավորվել է 13 մարդ: Ռյազանի 14 բնակավայրերից տարհանվել է ավելի քան 1,6 հազար բնակիչ: