Ռուսաստանում մեկ օրում գրանցվել է կորոնավիրուսով վարակման 27179 դեպք
Ռուսաստանում կորոնավիրուսով վարակման հաստատված դեպքերի թիվը մեկ օրում ավելացել է 27179-ով՝ հասնելով 10774304-ի։ Այս մասին շաբաթ օրը լրագրողներին հայտնել են նոր վարակի դեմ պայքարի դաշնային օպերատիվ շտաբում, փոխանցում է ՏԱՍՍ-ը։ Բացարձակ թվով դեպքերի թվի աճն ամենաբարձրն է դարձել 2021 թվականի դեկտեմբերի 19-ից ի վեր։ Հարաբերական արտահայտությամբ այն կազմել է 0.25 տոկոս։ Այսպես կոչված ակտիվ դեպքերի, այսինքն՝ ներկայումս բուժվող հիվանդների թիվը նվազել է՝ հասնելով 617786-ի, ասվում է շտաբի հաղորդագրության մեջ: Ռուսաստանում կորոնավիրուսով վարակվելուց հետո բուժվածների թիվն ավելացել է 26584-ով՝ հասնելով 9835884-ի։ 2021 թվականի դեկտեմբերի 13-ից ի վեր առաջին անգամ երկրում ապաքինվածների թիվը պակաս է գրանցված դեպքերի թվից։ Դուրս գրված հիվանդների համամասնությունը, ըստ շտաբի, մնացել է վարակվածների ընդհանուր թվի 91.3 տոկոսի մակարդակում։ Ռուսաստանում կորոնավիրուսից մահացածների թիվը մեկ օրում ավելացել է 723-ով՝ հասնելով 320 634-ի` նախորդ օրվա 739-ի դիմաց: Պայմանական մահացությունը (վերջնականը կարելի է որոշել միայն համավարակի ավարտից հետո) մնացել է 2.98 տոկոսի մակարդակում, վկայում են շտաբի տվյալները:
