Ռուսական գազի դիմաց ռուբլով վճարում ընդունելու Պուտինի հրամանը վերաբերում էր «Գազպրոմ»-ին. Պեսկով

Ռուսական գազի դիմաց ռուբլով վճարում ընդունելու ՌԴ նախագահ Վլադիմիր Պուտինի հրամանը վերաբերում էր «Գազպրոմ»-ին, «Նովատեկ»-ին այն չէր վերաբերում։ Այս մասին հայտարարել է Պուտինի մամուլի քարտուղար Դմիտրի Պեսկովը։ Նրա խոսքով՝ «Նովատեկ»-ը մասնավոր ընկերություն է, եւ «այնտեղ դժվար թե ուղիղ հանձնարարական լինի»։ Պեսկովը նշել է, որ նախագահը ոչ մի կերպ չի տարանջատել (խոսքը գազատարի մասին է՝ խողովակաշար, թե ՀԲԳ), սակայն խոսքը Գազպրոմի մասին է»,- ասել է նա։ Պատասխանելով հարցին, թե արդյոք Ռուսաստանը կշարունակի գազ մատակարարել ԵՄ-ին, եթե եվրոպական երկրները հրաժարվեն ռուբլով վճարումից, Պեսկովը հիշեցրել է, որ վճարումները ռուբլով ընդունելու ՌԴ նախագահի ուղիղ հանձնարարական կա։ «Մեկ շաբաթվա ընթացքում, ավելի ճիշտ, իրականում մնացած չորս օրվա ընթացքում «Գազպրոմ»-ը պետք է կատարի պայմանագրերը եւ մշակի թափանցիկ, հասկանալի համակարգ։ Մենք ելնում ենք պետության ղեկավարի հանձնարարականներից»,- եզրափակել է Պեսկովը։