Ռոբերտ Քոչարյանի և Արմեն Գևորգյանի գործով դատական նիստը նորից հետաձգվեց

Հայաստանի երկրորդ նախագահ Ռոբերտ Քոչարյանի եւ նախկին փոխվարչապետ, այժմ՝ «Հայաստան» խմբակցության պատգամավոր Արմեն Գեւորգյանի գործով դատական նիստը կրկին հետաձգվեց։

Ինչպես տեղեկացրեց դատավոր Աննա Դանիբեկյանը, փաստաբաններից հաղորդումներ են ստացվել։ Հայկ Ալումյանը մասնակցում է ԵՊՀ իրավաբանական ֆակուլտետում ատենախոսությունների պաշտպանության հանձնաժողովի աշխատանքին։ Փաստաբաններ Հովհաննես Խուդոյանից եւ Արամ Օրբելյանից ստացվել են հաղորդումներ առողջական խնդիրների մասին։ Փաստաբանները դատարանին են ներկայացրել համապատասխան տեղեկանքներ։ Հաշվի առնելով, որ փաստաբանների բացակայությամբ նիստի անցկացումն անհնար է, դատավորը որոշում կայացրեց տեղափոխել նիստը։

Հիշեցնենք, որ նախորդ նիստը հետաձգվել էր այն պատճառով, որ երկրորդ նախագահի ընտանիքում կորոնավիրուսով վարակման դեպք էր գրանցվել։

Հաջորդ նիստը կկայանա փետրվարի 8-ին, ժամը 13.00-ին։