ՊՀԹ-ի նոր թատերաշրջանի մեկնարկը՝ «Մալեֆիսենտան» ներկայացմամբ

Պատանի հանդիսատեսի թատրոնը նոր՝ 92-րդ թատերաշրջանի բացումն ազդարարեց «Մալեֆիսենտան կամ Քնած գեղեցկուհու լեգենդը» գունեղ ու կախարդական ներկայացմամբ: Անցած թատերաշրջանի ավարտին տեղի ունեցած պրեմիերայից հետո շատերն էին սպասում ՊՀԹ-ի բեմում ստեղծված մոգական ու հեքիաթային աշխարհի մի մասը դառնալուն: Դրա վառ ապացույցը արձակուրդային օրերին մեր ստացած բազմաթիվ նամակներն ու զանգերն էին, դե իսկ այս թատերաշրջանի առաջին «Մալեֆիսենտան կամ քնած գեղեցկուհու լեգենտդ» անցավ լեփ-լեցուն դահլիճում և մեծ ոգեւորությամբ ընդունվեց հանդիսատեսի կողմից: Այնպես որ, այսուհետ դուք էլ կարող եք ՊՀԹ-ի գունեղ և երաժշտական ներկայացումների մասնակիցը դառնալ: Մեր դռները բաց են: