Պետք է ամբողջությամբ վերանայել Արցախում անվտանգության ապահովման մեխանիզմները. Տիգրան Աբրահամյան

«Հենակետ» վերլուծական կենտրոնի ղեկավար Տիգրան Աբրահամյանը ֆեյսբուքյան իր էջում գրել է. «Պետք է ամբողջությամբ վերանայել Արցախում անվտանգության ապահովման մեխանիզմները՝ սահմանային պահպանությունից ներքին անվտանգային կարգավորումներ։ Արցախում սահմանին դեմ դիմաց շարունակում են կանգնած մնալ հայերն ու ադրբեջանցիները՝ նվազագույն միջդիրքային հեռավորության վրա. հատվածներ կա, որ մի քանի տասնյակ մետրերի վրա։ Պետք է մի քանի կմ-ոց ապառազմականացված գոտի ստեղծել, դրա ապահովումը դնել խաղաղապահ զորախմբի վրա, իսկ մարտական հերթապահության անցկացման կարգն արմատական փոփոխությունների ենթարկել»։