top of page

Ուսուցիչների թվային դասի նախագծման հեռավար դասընթացը կմեկնարկի նոյեմբերի 23-ին

8 minutes ago
1 min read
Նոութբուքի առջև առցանց հանդիպման մասնակցող կին․ հեռավար ուսուցման թեմատիկ լուսանկար
Թեմատիկ լուսանկար

Կրթական տեխնոլոգիաների ազգային կենտրոնը նոյեմբերի 23-ին մեկնարկում է ուսուցիչների համար նախատեսված «Թվային դասի նախագծում և իրականացում․ գործնական ուղեցույց ուսուցչի համար» հեռավար դասընթացը։ Կենտրոնի նոյեմբերի 19-ի հայտարարության համաձայն՝ այն կտևի հինգ շաբաթ։


Դասընթացի ընթացքում մասնակիցները կծանոթանան թվային դասի նախագծման սկզբունքներին և ուսումնական գործիքների ընտրությանը։ Շեշտը դրվելու է դասի նպատակի, սովորողների կարիքների և ակնկալվող արդյունքի համապատասխանության վրա։


Ուսուցումն անցկացվելու է ԿՏԱԿ-ի հեռավար ուսուցման համակարգում՝ learning.armedu.am հասցեով։ Նախատեսվում են նաև տեսահանդիպումներ ու քննարկումներ։ Հեղինակն ու վարողը կենտրոնի ՏՀՏ բովանդակության և վերապատրաստումների բաժնի առաջատար մասնագետ Լուսինե Մանուկյանն է։


Գրանցվելու համար անհրաժեշտ է լրացնել կենտրոնի հայտարարությանը կցված առցանց հայտը։ Դրանում պահանջվում են, մասնավորապես, ուսումնական հաստատությունը, դասավանդվող առարկան և կապի տվյալները։ Համակարգ մուտք գործելու տվյալները գրանցված մասնակիցներին կուղարկվեն հայտում նշված էլեկտրոնային հասցեով։


Հավաստագիր կտրամադրվի ամփոփիչ աշխատանքը հաջողությամբ կատարած մասնակիցներին։ Հայտարարությունում մասնակցության վճար, հայտերի ընդունման առանձին վերջնաժամկետ կամ տեղերի սահմանաչափ նշված չէ։ Մեկնարկին քիչ ժամանակ մնալու պայմաններում մասնակցության մանրամասները պետք է ստուգել կազմակերպչի պաշտոնական էջում։


Comments


bottom of page