Ուսումնավարժանք հայ-ռուսական մարդասիրական արձագանքման կենտրոնում

Հայ-ռուսական մարդասիրական արձագանքման կենտրոնում մայիսի 26-ին անցկացվել է ուսումնավարժություն: Նպատակն էր հստակեցնել փրկարարների գործողություններն ու զարգացնել համատեղ աշխատանքի հմտությունները: Միջոցառմանը հետևել են ՀՀ և ՌԴ Արտակարգ իրավիճակների փոխնախարարներ Արկադի Բալյանը և Նիկոլայ Գրեչուշկինը: Ուսումնավարժանքին ռուսական կողմից մասնակցել են հրահանգիչներ, իսկ հայկական կողմը ներկայացրել են ԱԻՆ ՓՈՒՎ Հատուկ նշանակության փրկարարական աշխատանքների իրականացման կենտրոնը, Հրազդանի հրշեջ փրկարարական ջոկատը և Կարմիր խաչի ընկերության խումբը: Ներգրավված են եղել նաև ԱԹՍ-ներ: Նիկոլայ Գրեչուշկինը բարձր է գնահատել միջոցառման մասնակիցների պատրաստվածությունը և նշել, որ Հայաստանի բնակչության անվտանգությունն ապահով ձեռքերում է: Նշենք, որ մայիսի 19-ին լրացել է հայ-ռուսական մարդասիրական արձագանքման կենտրոնի հիմնադրման 5-ամյակը: