Ուկրաինան կարող է անհետանալ աշխարհի քարտեզից․ Պենտագոնի նախկին խորհրդական

Ուկրաինան կարող է անհետանալ աշխարհի քարտեզի, եթե Ռուսաստանի նախագահ Վլադիմիր Պուտինի պատերազմում հրադադարի համաձայնություն ձեռք չբերվի։ Այս մասին Sky News-ին տված հարցազրույցում ասել է Պենտագոնի նախկին գլխավոր խորհրդական եւ բանակի պաշտոնաթող գնդապետ Դուգլաս ՄքԳրեգորը, գրում է Newsweek-ը։ «Որքան երկար շարունակվի այս պատերազմը, այնքան շատ մարդիկ կսպանվեն եւ այնքան ավելի մեծ վնաս կհասցվի Ուկրաինային»,-ավելացրել է նա։ նրա խոսքով՝ Պուտինը չի պատրաստվում հրաժարվել հակամարտությունից։ «Նա չի պատրաստվում հեռանալ, դա բացառվում է։ Որքան երկար դա շարունակվի, այնքան ավելի մեծ է հավանականությունը, որ այն կվերածվի տարածաշրջանային պատերազմի»,-հավելել է ՄքԳրեգորը։