Ուզբեկստանի օդուժն ստիպել է աֆղանական ավելի քան 40 օդանավի՝ վայրեջք կատարել Տերմեզում
Aug 17, 2021
1 min read
Աֆղանստանից Ուզբեկստան թռչող ավելի քան 40 օդանավեր ստիպված են եղել հարկադիր վարէջք կատարել Տերմեզում՝ Ուզբեկստանի ռազմական գերատեսչության հրամանով: Այս մասին հայտարարել է Ուզբեկստանի Պաշտպանության նախարարությունը: Ավելի վաղ ուզբեկական գլխավոր դատախազությունը հաղորդել է Տերմեզի շրջանում 158 աֆղան զինծառայողի ու քաղաքացիական անձի ձերբակալման մասին, որոնք ապօրինի հատել էին սահմանը: Հավելենք, որ օգոստոսի 15-ին աֆղանական ինքնաթիռը բախվել էր Ուզբեկստանի կործանիչի հետ: Երկու օդաչուներն էլ փրկվել են կատապուլտի շնորհիվ, սակայն նրանց վիճակը համարվում է ծանր: Ավելի վաղ Ուզբեկստանի ՀՕՊ-ը խոցել էր աֆղանական ռազմական ինքնաթիռ՝ սահմանը հատելու փորձի համար:
Comments