Ոսկու գինն աճում է

Երկուշաբթի առավոտյան ոսկու գինն աճում է, վկայում են սակարկությունների տվյալները։ Նյու Յորքի Comex բորսայում ոսկու հունիսյան ֆյուչերսների գինն աճել է 7,79 դոլարով կամ 0,42 տոկոսով՝ հասնելով 1859,09 դոլարի մեկ տրոյական ունցիայի դիմաց։ Արծաթի հուլիսյան ֆյուչերսները թանկացել են 0,69 տոկոսով՝ հասնելով 22,248 դոլարի մեկ ունցիայի դիմաց: Դոլարի ինդեքսը (փոխարժեքը վեց երկրների՝ ԱՄՆ-ի առեւտրային գործընկերների արժույթների զամբյուղի նկատմամբ) նվազել է 0,19 տոկոսով՝ հասնելով 101,48 կետի։ Դրա թուլացումը ոսկին ավելի մատչելի է դարձնում այլ արժույթով գնելու համար: