top of page

Նոյեմբերի 22-ին IDBank-ի մի շարք ծառայություններ անհասանելի կլինեն՝ 08։00–14։30

8 minutes ago
1 min read
Ձեռքերում պահվող սմարթֆոն և բանկային քարտ՝ կանաչ ֆոնի վրա․ թվային բանկինգի թեմատիկ լուսանկար
Թեմատիկ լուսանկար

IDBank-ը հայտարարել է, որ նոյեմբերի 22-ին՝ ժամը 08։00-ից մինչև 14։30-ը, տեխնիկական վերազինման պատճառով մի շարք ծառայություններ ժամանակավորապես անհասանելի կլինեն։ Հայտարարությունը հրապարակվել է նոյեմբերի 20-ին։


Այդ ընթացքում չեն գործի Idram&IDBank հավելվածի «Բանկինգ» բաժինը, IDBusiness Mobile-ը և իրավաբանական անձանց «Բանկ-հաճախորդ» համակարգը։ Կսահմանափակվեն նաև IDBank-ի, Իդրամի, Telcell-ի, MobiDram-ի, EasyPay-ի, Upay-ի և Fast Shift-ի տերմինալներով ու դրամապանակներով դեպի IDBank-ի հաշիվներ փոխանցումները և վարկերի մարումները։


Քարտերով վճարումները վաճառակետերում և առցանց խանութներում, ըստ բանկի, կշարունակվեն անխափան։ Հասանելի կմնան նաև քարտերի համալրման որոշ ուղիներ՝ միջնորդավճարներով։ Իդրամի և IDBank-ի տերմինալների «Փոխանցումներ դեպի քարտեր» բաժնից համալրման վճարը 1% է, իսկ հավելվածում դրամապանակից կամ կից քարտերից դեպի IDBank-ի քարտ փոխանցելունը՝ 0,5%։


«Հին Երևան» և «Հոմպլեքս Մոլ» մասնաճյուղերն այդ օրը հաճախորդների սպասարկումը կսկսեն 14։30-ից։ Բանկն առաջարկում է անհրաժեշտ գործարքները կատարել նախապես կամ Իդրամ դրամապանակում ապահովել բավարար միջոցներ։


Comments


bottom of page