Նախաձեռնությունը ստեղծելիս հաշվի են առել ճանապարհը, որն անցնելու են Սփյուռքն ու Հայաստանը՝ միասին
ՀԱՅՐԵՆԻՔ-ՍՓՅՈՒՌՔ նախաձեռնության համար կարևոր է ոչ այնքան վերջնարդյունքը, այլ այն ճանապարհը, որն անցնելու են Սփյուռքն ու Հայաստանը՝ միասին։ Մենք մտածեցինք, որ պետք է վերցնել մի ուղղություն և ինչ-որ մի ուղությամբ շարժվել, որպեսզի կարողանանք արդյունքներն էլ գրանցել: Այս մասին Հայաստանի Հանրային Ռադիո-ի եթերում` ՍՓՅՈՒՌՔԻ ՁԱՅՆԸ հաղորդման ժամանակ ասել է «Հայրենիք-Սփյուռք» նախաձեռնության հիմնադիրներից Ատոմ Մխիթարյանը: Ամենակարևոր նպատակը, որ մենք մեր առջև դրել ենք, դա Հայրենիք-Սփյուռք հարաբերությունների զարգացման խնդիրները Հայաստանի հասարակական-քաղաքական օրակարգում պահելն է:
Մի քանի ամիս առաջ` արցախյան վերջին պատերազմից հետո, Հայաստանում ստեղծված «Հայրենիք-Սփյուռք» նախաձեռնության համահիմնադիրներից Ատոմ Մխիթարյանը նշել է, որ արդեն հարյուրից ավելի անդամներ ունեն տարբեր երկրներից: Ստեղծել են ձևաթուղթ, որը լրացնելով կարելի է դառնալ այս նախաձեռնության անդամ:
Բացի այդ, եթե կան անհատներ կամ կազմակերպություններ, որոնք ուզում են ներդրումներ անել կամ բիզնես ստեղծել, կարող են օգտվել այս հարթակից։ Մասնագիտական կամուրջներ և ընկերակցություններ ստեղծելը ևս կարևոր նպատակներից է։
«Գիտություն, կրթություն և այլ ոլորտներ, որոնց զարգացումը կարելի է միասին իրագործել՝ համաշխարհային մասշտաբի արդյունքներ գրանցելու համար»,- ասել է Ատոմ Մխիթարյանը:
Հին ու նոր Սփյուռքի հետ աշխատանքի համար ընտրված ուղենիշը կլինի հայրենիքի ապագան կառուցելուն և զարգացնելուն ուղղված ծրագրերը։ Այս նախաձեռնությունը ստեղծելիս հաշվի են առել ոչ այնքան վերջնարդյունքն, այլ այն ճանապարհը, որն անցնելու են Սփյուռքն ու Հայաստանը՝ միասին։
