ՄԻՊ-ի գործունեությանը բացառապես դրական գնահատական կտա ցանկացած անձ
Փաստաբան Արամ Վարդևանյանը ֆեյսբուքյան իր էջում գրել է. «Մարդու իրավունքների պաշտպան` Արման Թաթոյանի և ՄԻՊ աշխատակազմի գործունեությանը գնահատական, այն է ամենաբարձր (A վարկանիշ) տվել է ՄԱԿ-ի համապատասպան մարմինը: ՄԻՊ-ի գործունեությանը բացառապես դրական գնահատական կտա ցանկացած անձ, ով ինչ-որ մի իրավիճակում դիմել է այդ կառույցին: Ամենակարևորը՝ ՄԻՊ-ում բոլորը չափազանց հայրենասեր մարդիկ են: Պատկերացրեք, աշխարհում կան այդքան շատ Օմբուդս ինստիտուտներ ու դրանցից լավագույններից մեկը մերն է: Հետևաբար, ինչ պետք է անի այս իշխանությունը, ճիշտ է, պետք է այս հաջողությունը զրոյացնի: Տրամաբանություն ինչպես միշտ չկա, Սահմանադրության հերթական խախտումն է: Հիշեցնեմ, որ ՄԻՊ-ը սահմանադրական ԱՆԿԱԽ մարմին է, իսկ ֆինանսական անկախությունը ՄԻՊ գործունեության հենց սահմանադրական երաշխիք է: Հ.Գ. Մի հատ հիշեցրեք այս իբրև իշխանությանը քանի անգամ եք պաշտպանություն ստացել այս կառույցից, մեկ էլ հիշեք օրվա մեջ քանի անգամ ձեր իրավունքների պաշտպանության համար հայտարարությամբ է հանդես եկել Արման Թաթոյանը: Հիշեք, որ այս օրենսդրական երաշխիքը ՄԻՊ-ի անկախության համար նախատեսվել էր դեռ 2017 թվականին, ու պարզապես հերթական անգամ ամաչեք»:
Comments