ՄԻՊ-ը՝ գերիների վերադարձի մասին

«Միջազգային պահանջների համաձայն, գերիները, պատերազմական գործողությունների դադարից հետո, պարտադիր, անհապաղ պետք է վերադարձվեն իրենց երկրներ»,- ասուլիսի ժամանակ հայտարարեց ՀՀ ՄԻՊ Արման Թաթոյանը՝ նշելով, որ այս հարցի արհեստական ձգձգումը նույնպես արգելվում է: «Գերիների հետ կապված հարցի քաղաքականացումը բացարձակ անթույլատրելի է: Պահանջը պետք է գործի՝ անկախ նրանից՝ փաստաթղթում ամրագրված է, թե ոչ: Սա այլ հարթությունում գտնվող հարց է»,- ասաց Թաթոյանը: