Մինչև երբ եք պատրաստվում պետական շահը ստորադասել ձեր պաշտոն ունենալուն. Գևորգ Գորգիսյան
«Դուք շարունակում եք մնալ վարչապետ, բայց շարունակում են չկարողանալ սպասարկել ՀՀ պետական շահերը: Մասնավորապես, քիչ առաջ խոսք գնաց Սյունիքով անցնող ճանապարհների անվտանգության մասին, որոնց վերաբերյալ մենք լուծում էինք առաջարկեն, Հայաստանի այլ տարածքում, որտեղ ադրբեջանական դիրքերը ավելի առաջ են, քան նույն նույն Սյունիքում մեզ հնարավորություն կտային անվտանգ ճանապարհ ունենալ, այդ հարցով բանակցություններ վարել, որը դուք չկարողացաք:
Հենց հիմա Շիրակի մարզում գյումրի մտնող բոլոր ճանապարհները փակ են անհետ կորածների եւ գերեվարվածների ընտանիքի անդամների կողմից, բայց որեւէ լուսաբանում, որեւէ արձագանք չկա: Դուք շարունակում եմ լինել անկարող այդ մարդկանց հարցադրումներին հսկատ պատասխաններ տալու: Այդ մարդիկ նույնիսկ պատրաստվում են գիշերը փակ պահել ճանապարհները: Մինչեւ ե՞րբ եք պատրաստվում մնալ վարչապետ, եւ մինչեւ երբ եք պատրաստվում պետական շահը ստորադասել ձեր պաշտոն ունենալուն»,-այս մասին ԱԺ-ում կառավարության հետ հարցուպատասխանի ժամանակ դիմելով վարչապետ Նիկոլ Փաշինյանին, ասաց «Լուսավոր Հայաստան» խմբակցության քարտուղար Գեւորգ Գորգիսյանը::
Հարցին պատասխանեց փձոխվարչապետ Տիգրան Ավինյանը, ով նշեց. «Սահմանադրությամբ եւ Օնտրական օրենսգրքով նախատեսված է, թե առհասարակ վարչապետն ու կառավարությունը մինչեւի երբ են իրենց պաշտոններում: Կարծում եմ՝ այդ հարցի պատասխանը կարող էր կախված լինել նաեւ ձեր խմբակցությունից, որովհետեւ բազմաթիվ անգամներ մեր առաջարկներին, որ եթե խորհրդարանական ընդդիմությունը գտնում է, որ երկրում կա քաղաքական ճգնաժամ, որը պետք է լուծել, մենք դրան առաջարկել ենք հստակ մեխանիզմ՝ ընտրություններ: Ես չեմ հասկանում, թե ինչու է այդ գաղափարն այդքան խորթ ընդդիմության համար: Եթե ինչ-որ մարդիկ պատկերացնում են, որ սենյակներում պայմանավորվածությունների արդյունքում պետք է ձեւավորեն իշխանություն, տենց բան չի լինելու, պարոն Գորգիսյան: Մենք նման բան թույլ չենք տալու:
Ինչ վերաբերում է մնացած հարցերին, լինելու են պատասխաններ, բոլոր խնդիրներին լինելու են լուծումներ: Այո, դժվար են այն խնդիրները, որոնք երկրի առջեւ ծառացած են: Այո, միանշանակ ծանրագույն տարի ենք ունեցել 2020-ին, բայց ես միանշանակ վստահեցնում եմ, որ հետեւանքները վերացվելու են եւ մենք նորից վերադառնալու ենք դրական ճանապարհի վրա: Հենց այս կառավարությունը դրա սկիզբը դնելու է»:
Comments