Մեծ Բրիտանիայի ՆԳ նախարարը կհեռանա պաշտոնից, երբ Լիզ Թրասը զբաղեցնի վարչապետի պաշտոնը

Մեծ Բրիտանիայի ներքին գործերի նախարար Փրիթի Փաթելը հայտարարել է, որ կհեռանա պաշտոնից, հենց որ Լիզ Թրասը պաշտոնապես զբաղեցնի վարչապետի պաշտոնը: «Շնորհավորում եմ Լիզ Թրասին ընտրվելու կապակցությամբ եւ կաջակցեմ նրան որպես մեր նոր վարչապետ»,- գրել է Փաթելը գործող վարչապետ Բորիս Ջոնսոնին ուղղված իր հրաժարականի նամակում, որը նա տեղադրել է Twitter-ում: «Ես կշարունակեմ ծառայել իմ երկրին եւ Ուիթեմ ընտրատարածքին՝ որպես պատգամավոր, երբ Լիզը պաշտոնապես ստանձնի պաշտոնը եւ նոր ներքին գործերի նախարար նշանակի»,- գրել է նա: