Մեզ համար առաջին խնդիրը երկրի անվտանգության ապահովումն է. Արծվիկ Մինասյան
Aug 11, 2021
1 min read
Մեզ համար առաջին խնդիրը երկրի անվտանգության ապահովումն է: Այս մասին օգոստոսի 11-ին խորհրդարանում հայտարարեց «Հայաստան» խմբակցության քարտուղար Արծվիկ Մինասյանը: «Եթե իշխանությունների գործողությունները վտանգ են ներկայացնում երկրի համար, ապա մենք կպայքարենք իշխանությունների դեմ, որոնց մոտեցումները սահմանափակվում են միայն ընդդիմությանը մեղադրելով: Խոսքը հաղորդակցությունների ապաշրջափակման մասին է: Բայց ի՞նչ գնով: Տալ ռազմավարական նշանակություն ունեցող ճանապարհնե՞րը: Ո՞ւմ համար են այդ խաղաղասեր մոտեցումները, երբ թշնամին ուզում է մեզ ոչնչացնել: Քարվաճառից Ստեփանակերտ տանող ճանապարհը կապ չէ՞: Ինչու՞ է այն փակ: Ինչո՞ւ Թուրքիան եւ Ադրբեջանը նախկինում չէին ուզում ապաշրջափակել հաղորդակցությունները, իսկ հիմա հանկարծ ուզեցին»,- նշեց նա:
Comments