Մարտի 22-ը Ջրի համաշխարհային օրն է
ՄԱԿ-ի որոշմամբ 1993 թվականից ամեն տարի մարտի 22-ին նշվում է որպես Ջրի համաշխարհային օր՝ դրանով իսկ կարևորելով ջրի դերը մարդկության կյանքում: Նույն նպատակով այդ օրն անցկացվող միջոցառումները յուրաքանչուր անգամ նվիրված են լինում առանձին թեմայի: 2020-ի թեման է «Ջուրը եւ կլիմայի փոփոխությունը»՝ ցույց տալու համար ջրի և կլիմայի սերտ փոխկապակցությունը: Այս մասին տեղեկացրին «Վեոլիա Ջուր» ՓԲԸ-ից։
«Կլիմայի փոփոխություններով պայմանավորված՝ հողագնդի անապատացումը առաջանում է տարեկան 10 կմ արագությամբ: Ջուրը ներկայումս վերածվել է երկրագնդի ամենաարժեքավոր ռեսուրսի, որը մենք դատապարտված ենք օգտագործել խնայողաբար ու հնարավորինս արդյունավետ:
Հետևաբար, հարկ է հավասարակշռել հասարակության բոլոր շերտերի կարիքները, որպեսզի ամեն մի բնակիչ, անկախ քսակի պարունակությունից ու սոցիալական դիրքից, բավարար քանակությանբ կյանքի աղբյուր հանդիսացող ջուր ունենա:
Այստեղ Հայաստանը բացառություն չէ: Գործի հաջողությունն էլ զգալիորեն կախված է նաև մեզանից՝ մատակարարներից ու սպառողներից, ու մեր սերտ համագործակցությունից, որի ուղղությամբ և շարժվում է Հայաստանի խմելու ջրի միակ օպերատոր «Վեոլիա ջուր» ընկերությունը»,- ասվում է հաղորդագրության մեջ:
Comments