Մասիս համայնքն այս տարի տոնականորեն չի զարդարվի․ քաղաքապետ

Այս տարի Մասիս համայնքը տոնականորեն չի զարդարվի, նաև չեն կազմակերպվի տոնական մեծ միջոցառումներ։ Այս մասին տեղեկացնում է Մասիսի քաղաքապետ Դավիթ Համբարձումյանը: «Հարգելի՛ հայրենակիցներ, Մասիս խոշորացված համայնքի սիրելի՛ բնակիչներ, Հաշվի առնելով մեր երկրում և Արցախում առկա իրավիճակը, հարգելով Արցախյան պատերազմներում անմահացած հերոսների հիշատակը՝ Մասիս համայնքն այս տարի տոնականորեն չի զարդարվի, և չեն կազմակերպվի տոնական մեծ միջոցառումներ, իսկ նախատեսված գումարը կտրամադրվի Մասիս համայնքից Արցախյան պատերազմներում անմահացած հերոսների ընտանիքներին: Վստահ ենք, որ մեր բնակիչները ըմբռնումով կմոտենան այս որոշմանը: Խաղաղություն մեր երկրին»,-ասված է գրառման մեջ: