ՄԱԿ-ը ողջունում է Լեռնային Ղարաբաղում լարվածությունը նվազեցնելու ջանքերը

ՄԱԿ-ը ողջունում է Լեռնային Ղարաբաղում լարվածությունը նվազեցնելու ջանքերը եռակողմ ձեւաչափով, ինչպես նաեւ ԵԱՀԿ Մինսկի խմբի կողմից։ Այս մասին հայտարարել է համաշխարհային կազմակերպության ղեկավարի պաշտոնական ներկայացուցիչ Ստեֆան Դյուժարիկը, հաղորդում է ՏԱՍՍ-ը։ «Մենք անհանգստացած ենք Լեռնային Ղարաբաղում եւ նրա շուրջ լարվածության մասին հաղորդագրություններով: Մենք ողջունում ենք ԵԱՀԿ Մինսկի խմբի եւ եռակողմ ջանքերը՝ ուղղված իրավիճակի թուլացմանը»,- ասել է նա։