Ղարաբաղի հարցով աշխատանքային խումբը հունվարի 30-ին կքննարկի տրանսպորտային ենթակառուցվածքների հարցը
Լեռնային Ղարաբաղի հարցով եռակողմ աշխատանքային խումբը հունվարի 30-ին կքննարկի տարածաշրջանում տրանսպորտային ենթակառուցվածքների վերականգնման հարցը: Այս մասին ТАСС-ին հայտնել Է ՌԴ փոխվարչապետ Ալեքսեյ Օվերչուկը։ «Թեմաները սահմանված են Ռուսաստանի նախագահ Վլադիմիր Պուտինի, Ադրբեջանի նախագահ Իլհամ Ալիևի և Հայաստանի վարչապետ Նիկոլ Փաշինյանի հայտարարության մեջ։ Առաջին հերթին կանդրադառնանք տրանսպորտային ենթակառուցվածքների զարգացման և վերականգնման խնդիրներին»,- ասել է նա։ Օվերչուկը դժվարացել է պատասխանել, թե որքան հաճախ են տեղի ունենալու փոխվարչապետների մակարդակով հանդիպումները: «Առայժմ ոչինչ չեմ կարող ասել, մենք առաջին անգամ ենք հանդիպելու»,- հավելել է ՌԴ փոխվարչապետը։ Ինչպես ավելի վաղ հայտնել էինք, տնտեսական և տրանսպորտային կապերի ապաշրջափակման հարցերով եռակողմ աշխատանքային խմբի նիստը կկայանա հունվարի 30-ին՝ Մոսկվայում:
Comments