Հրդեհ` «Տաշիր Պիցցա» արագ սննդի կետում

Այսօր, ժամը 11:23-ին «911» ծառայությանն ահազանգ է ստացվել, որ Երևան քաղաքի Քանաքեռ-Զեյթուն վարչական շրջանում՝ Ռուբինյանցի 15/5 հասցեում գտնվող «Տաշիր Պիցցա» արագ սննդի կետում, հրդեհ է բռնկվել:

Հրդեհի բարդության «1-ԲԻՍ» կանչով դեպքի վայր են մեկնել ԱԻՆ ՓԾ հրշեջ-փրկարարական ջոկատից չորս մարտական հաշվարկ և Ճգնաժամային կառավարման ազգային կենտրոնի արտակարգ իրավիճակների արձագանքման խումբը:

Հրդեհը մեկուսացվել է ժամը 11:40-ին, մարվել՝ 11։46-ին։

Խոհանոցում ամբողջությամբ այրվել են կտրատող սարքը (սլայսեր), մասամբ էլեկտրական հաշվիչ, անջատիչ և էլեկտրական լարեր՝ 5 գմ: