Հրապարակվեց «Սասնա Ծռեր»-ի գործով դատավճիռը

Քիչ առաջ Երևանի ընդհանուր իրավասության դատարանում՝ դատավոր Մեսրոպ Մակյանի նախագահությամբ 2016 թվականին ՊՊԾ գնդի գրավման գործով վճիռը։ Պավլիկ Մանուկյանը դատապարտվեց 10 տարի ժամկետով ազատազրկման, հաշվի առնվեց 2 տարի կալանքի տակ մնալու հանգամանքը, վերջնական պատիժ սահմանվեց 7 տարի 8 ամիս։ Մինչև դատավճռի օրինական ուժի մեջ մտնելը գրավը որպես խափանման միջոցը կպահպանվի։ Գագիկ Եղիազարյանը՝ 7 տարի 5 ամիս, Արեգ Կյուրեղյանը՝ 7 տարի 1 ամիս, Վարուժան Ավետիսյանը՝ 9 տարի վեց ամիս ժամկետով ազատազրկման դատապարտվեց, որից հանվեց 2 տարի կալանքի տակ մնալը և վերջնական պատիժ սահմանվեց 7 տարի 4 ամիս ժամկետով։ Մինչև դատավճռի օրինական ուժի մեջ մտնելն անփոփոխ մնաց անձնական երաշխավորությամբ ազատությունը։ Սմբատ Բարսեղյանը դատապարտվեց ազատազրկման 25 տարի ժամկետով, Արմեն Բիլյանը՝ 4 տարի, Սեդրակ Նազարյանը՝ 8 տարի 2 ամիս, էդվարդ Գրիգորյանը՝ 6 տարի 6 ամիս, Մխիթար Ավետիսյանը՝ 7 տարի 6 ամիս ժամկետով ազատազրկման: Արմեն Բիլյանի կալանքը վերացվեց։ Մինչև դատարանի որոշման ուժի մեջ մտնելը նա կմնա ազատության մեջ: Արայիկ Խանդոյանի նկատմամբ քրեական հետապնդումը դադարեցվեց՝ անձի մահվան փաստը հաշվի առնելով: