Հուսահատ հաիթցիները թալանում են մարդասիրական օգնություն հասցնող բեռնատարները

Հայիթցիները, ովքեր հուսահատ կերպով սննդի կարիք ունեն ուժգին երկրաշարժից մոտ մեկ շաբաթ անց, կողոպտել են հումանիտար ավտոշարասյունը եւ սկսել կռվել նվիրատվությունների համար, հաղորդում է Reuters-ը:

Վնասված կամ անանցանելի ավտոճանապարհները խոչընդոտում են օգնության առաքմանը Կարիբյան հարավային հեռավոր շրջաններ, որոնք ամենից շատ են տուժել անցած շաբաթ օրը 7.2 մագնիտուդ ուժգնությամբ երկրաշարժից:

Օգնության տրամադրման կազմակերպությունը հայտնել է, որ իր չորս բեռնատարները հարձակման են ենթարկվել եւ թալանվել տեղի բնակիչների կողմից, երբ ավտոմեքենաները սնունդ եւ ջուր էին հասցնում երկրի հարավում գտնվող գյուղական համայնքներին:

Ո՛չ վարորդները, ո՛չ բեռնատարները չեն տուժել, նշել է բարեգործական կազմակերպությունը, եւ ևս հինգ բեռնատար կարողացել է ապահով հասնել իր նպատակակետին:

Անցած շաբաթ օրը տեղի ունեցած երկրաշարժի հետեւանքով ավերվել են տասնյակ հազարավոր տներ, զոհվել է 2.189 մարդ: Իշխանությունների տվյալներով` անհետ կորել է մոտ 332 մարդ, վիրավորվել` 12.200 մարդ:

Այս շաբաթ տեղի ունեցած սաստիկ փոթորիկը, որն սողանքներ էր առաջացրել, ավելի է դժվարացրել զոհերի որոնման աշխատանքները: