ՀՀ ՊՆ վարչական համալիրում անցկացվել են հայ-գերմանական խորհրդակցություններ

Պաշտպանության բնագավառում Հայաստան-Գերմանիա երկկողմ համագործակցության շրջանակներում հունիսի 8-ին և 9-ին ՀՀ ՊՆ վարչական համալիրում անցկացվել են խորհրդակցություններ՝ ՊՆ իրավաբանական վարչության և Գերմանիայի ռազմական իրավաբանների փորձագիտական խմբի մասնակցությամբ: ՊՆ-ից հայտնում են, որ քննարկվել են փոխադարձ հետաքրքրություն ներկայացնող ոլորտներում երկկողմ համագործակցության զարգացման, փորձի փոխանակման և իրավական խորհրդակցությունների անցկացման հնարավորությունները, ինչպես նաև բարեվարքության ամրապնդման, ռազմաիրավական պատրաստության, զինվորական օրենսդրության կատարելագործման, զինծառայողների իրավունքների պաշտպանության և համագործակցության հեռանկարային այլ ուղղություններին առնչվող հարցեր: